Нийслэлийн Чингэлтэй дүүргийн Зургадугаар хороонд гал гарч байна гэсэн дуудлага Онцгой байдлын албанд өчигдөр өдрийн 17:28 цагт ирсэн байна.
Дуудлагын дагууЧингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 1.5 км замыг туулан 17:32 цагт очиж иргэн У-ийн 2 өрөө байрны 3х4 метрийн хэмжээтэй өрөөнд эд зүйлс шатаж байсныг 10 минут ажиллаж унтраажээ.
Тус гал түймэрт угаартсан байсан иргэн 17 настай эмэгтэй С, 3 настай эмэгтэй И, 1.5 настай эрэгтэй Ү нарын амь насыг аварч, НТТТ-ийн 103-т хүлээлгэн өгсөн байна. Мөн утаажилтын бүсээс 8 иргэнийг гаргажээ.
Галын аюулаас гурван хүүхдийн амь насыг авран хамгааллаа |
|