Фэйсбүүк орчинд янз бүрийн ааш аяг гаргаж, олон нийтийн анхаарлын төвд байдаг нэгэн бол О.Осоржамаа. Багаасаа айлд тусалж, ээдрээтэй амьдралаар амьдарсан түүний хувьд фэйсбүүк хуудсаа хөгжүүлэн тодорхой хэмжээнд үнэлэн зарсан тухай мэдээлэл хэд хоногийн өмнө тарсан. Тодруулбал, иргэн О.Осоржамаагийн 130 мянган лайктай пэйж хуудсыг 20 сая төгрөгөөр нэгэн бизнес эрхлэгч залуу авсан тухай мэдээлэл гарсан юм.
Тэгвэл иргэн О.Осоржамаа өчигдөр шинэ хаягаараа лайв хийж, энэ мэдээллийг үгүйсгэлээ. Тэрбээр “Пэйжээ 20 сая төгрөгөөр зарсан гэдэг худал. 20 сая төгрөгтэй хүн ингэж амьдрахгүй шүү дээ. Зургаан сая төгрөгөөр зарсан пэйжийг маань авсан хүн нь цааш нь дамлаж 20 сая төгрөгөөр зарсан юм билээ” гэлээ.
О.Осоржамаа: Пэйжээ 20 сая төгрөгөөр биш ЗУРГААН сая төгрөгөөр зарсан |
|