БШУ-ны сайд Л.Энх-Амгалан өнгөрсөн баасан гарагт гаднын халдлагад өртсөн тухай мэдээлэл нийгмийн сүлжээнд тархсан.

 

 Тэрбээр 18.00 цагт яамныхаа нэг давхарт зохион байгуулагдсан “Залуус-Хөгжлийн түүчээ” олимпиадын шилдэг байранд шалгарсан сурагчдад шагнал гардуулах ёслолын арга хэмжээнд оролцсон байдаг. Тус арга хэмжээний өмнөхөн Л.Энх-Амгалан сайд руу 37 настай Д.Совд гэгч нь хутгатай халдахын завдсан. 

 

Улмаар Д.Совдыг  ШШГЕГ-ын харьяа хорих 461-р ангид түр саатуулсан билээ. 

 

Тэгвэл Л.Энх-Амгалан сайдын зүгээс Д.Совд гэгч нь удаа дараа сүрдүүлж, амь насанд заналхийлж байсан буюу товчхондоо аюултай этгээд хэмээн мэдүүлжээ. 

 

Тиймээс ч Д.Совдыг Эрүүгийн хуулийн Тусгай ангийн 10.1 дүгээр зүйл буюу “Хүнийг алах”-ын 2.9 дэх заалтад  тусгаснаар “Хүнийг эрхэлж буй ажил, албан үүрэгтэй нь холбогдуулж алахыг завдсан” хэмээх заалтаар яллагдагчаар татагджээ.