Засгийн газар ээлжит бусаар хуралдлаа. Хуралдаанаас гаргасан шийдвэрийн талаар мэдээлэл хийж байна. 

 

Ерөнхий сайдын Хэвлэлийн төлөөлөгч Ч.Болортуяа "Засгийн газрын өнөөдрийн хуралдаанаар Үндэсний их баяр наадмыг нэг жилээр хойшлуулах шийдвэр гаргасан байна. ЭМЯ болон УОК-оос гаргасан дүгнэлтээр энэ удаад үндэсни их баяр наадмыг зохион байгуулвал 12 мянган хүний бөөгнөрөл үүсэх эрсдэлтэй байна. Улмаар гурван мянга орчим хүн халдвар авах магадлалтай байна гэсэн тооцоолол гаргасан. Иймд УОК-ын хуралдаанаар баяр наадмыг хойшлуулах эсвэл цуцлах саналыг Засгийн газрын ээлжит бус хуралдаанд оруулсан. Засгийн газрын ээлжит бус хуралдаанаар уг саналыг дэмжиж, баяр наадмыг нэг жилээр хойшлуулах шийдвэр гаргалаа. Наадам хойшлуулж, хэмнэгдсэн зардлыг Эрүүл мэндийн салбарт зарцуулах чиглэлийг Ерөнхий сайд өгсөн байна. 

 

Мөн орон нутагт тэмдэглэх наадмыг нэг жилээр хойшлуулах шийдвэрийг Засгийн газрын хуралдаанаас гаргажээ" гэлээ.