Увс аймгийн Тариалан сумын 3 дугаар багийн “Цалгар” гэдэг газарт энэ сарын 27-ны өдрийн 15:00 цагийн орчим усархаг ширүүн бороо орж 18 мм тунадас буужээ. 

 

Усар ширүүн борооны улмаас бага насны 1 хүүхэд мал хариулж явахдаа үерийн усанд урссан тухай дуудлагыг өчигдөр өдрийн 18:30 цагт Онцгой байдлын албан хүлээн авсан байна. 

 

Улмаар аймгийн Онцгой байдлын газрын алба хаагчид, сумын Засаг даргын Тамгын газрын ажилтнууд мөн өдрийн 20:10 цагт очиж 12 настай У охиныг тус сумын “Гүрэн хадны-Ам” гэдэг газраас “Сэртгэрийн-Ам” гэдэг газар хүртэл 20 км-т явганаар эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 22:30 цагт түр зогсоожээ. Эрэн хайх ажиллагааг өнөөдөр өглөөний 28-ны өдрийн 06:00 цагт эрэн хайх ажиллагааг эхлүүлээд байна.