Төв аймгийн Лүн сумын Өгөөмөр багийн Бор хошуу гэдэг газар Туул голын эрэг дээр 6 хүн зугаалж байснаас 1 хүүхэд живсэн тухай дуудлагыг өчигдөр 29-ний өдрийн 14:00 цагт хүлээн авсан.
Тус аймгийн Онцгой байдлын газрын Лүн сум дахь Эрэн хайх, аврах бүлэг, Цагдаагийн хэсгийн алба хаагчид, ар гэрийнхэн Өгөөмөр багийн “Бетон гүүр”-ээс “Улаан-Үзүүр” гэдэг газар хүртэл 13 км-т завиар, голын эрэг дагуу 5 км-т автомашинаар, 4 метрийн гүнд 7 удаа шумбалт хийж Есөн настай Н-ийг эрэн хайх ажиллагааг 14:39 цагаас эхлэн зохион байгуулж үр дүнд хүрээгүй тул 21:20 цагт түр зогсоосон байна.
Улмаар өнөөдөр өглөөний 06:00 цагт дахин эхлүүлжээ.
Гэрийнхэнтэйгээ зугаалж явсан ЕСӨН настай охин Туул голд живжээ |
|