Дуулианы эзэн хуульч Б.Баасанцогт өөрийн ажлын түүхийг өнгөрсөн хугацаанд худал зохиож, хуурамч түүхээр амьдарч байжээ.

Тодруулбал, тэрбээр Өмгөөлөгчдийн холбооны гишүүн өмгөөлөгч бөгөөд танилцуулга дээрээ 2005-2011 онд Баянгол дүүргийн шүүгчээр ажиллаж байсан хэмээн бичсэн байдаг.
Харин дуулиант бичлэг задарсны дараа энэхүү мэдээллээ устгасан байгаа юм. Үнэндээ Б.Баасанцогт 2004-2008 онд Баянгол дүүргийн шүүхэд шүүгчийн туслах буюу нарийн бичгийн даргаар ажиллаж байсан байна.

Эхний бичлэг задрах үед Б.Баасанцогт “Бид гэр бүлийн найзууд” хэмээн тайлбар хийсэн ч хоёрдахь бичлэгээр худал болохыг нийтээрээ мэдсэн. Ингээд зогсохгүй “Би Ерөнхийлөгчийн тамгын газарт ажилладаггүй, А.Гансүхтэй хамаагүй” гэсэн ч ганц хонолгүй ажлын үнэмлэх нь дэлгэгдсэн. Дараахан нь ҮАБЗ-ийн дарга А.Гансүх ч Б.Баасанцогтыг өөрийг нь сайдаар ажиллаж байх үед МИАТ ТӨХК-д ажиллаж байсан, танина, мэднэ гэдгээ хэлсэн юм.

Б.Баасанцогт өөрийгөө улстөрийн “зодоон” дунд хэлмэгдлээ хэмээн матрын нулмис унагасан ч яг үнэндээ улс төрийн хэрэг төлөвлөгч гэдэг нь баримтаар илчлэгдсэн. 

“Өөрөөр унасан хүүхэд уйлдаггүй” гэгчээр Б.Баасанцогт хуурамч түүхээр худал ярьж яваад “олон хавар нэгэндээ” гэдэг л түүнд болсон юм даг уу даа.