Шатахууны асуудлаар холбогдох байгууллагууд мэдээлэл хийж байна.  

 

Уул уурхай, хүнд үйлдвэрийн сайд Г.Ёндон "Монгол Улс сард 38-40 мянган тонн АИ92 автобензин хэрэглэдэг. Бид хэрэглээгээ хэвийн байлгахын тулд БНХАУ-ын Чайна Ойл компанитай Петровис, Сод монгол, Шунхлай, Магнай трейд, Лекс Ойл гэсэн таван ААН гэрээ хийж, мөнгөө шилжүүлсэн байсан. Гэтэл өчигдөр өглөө ОХУ-ын Роснефть компаниас 10 дугаар сарын 01 хүртэл үлдэгдэл шатахуунаа нийлүүлэх боломжгүй гэсэн мэдэгдлийг өгсөн. Яг үүнтэй давхцаад БНХАУ-ын ачаа эргэлтийн ачааллаас үүдэн 09 дүгээр сард шатахуун нийлүүлэх боломжгүй гэсэн мэдээ ирсэн. Үүнтэй холбогдуулан өчигдрөөс эхлэн ААН-үүд хязгаарлалт хийсэн.

 

Манай улсаас таван ААН Хятадын Чайна Ойл компанид 1037 вагоны мөнгө төлж, ачигдахыг хүлээж буй аж. Тиймээс манай улсаас БНХАУ-д төмөр замын ачаа тээвэрт дэмжлэг үзүүлэхийг хүссэн байна" гэлээ