Дорнод аймгийн Хэрлэн сумын 2 дугаар багт хөгжлийн бэрхшээлтэй 1 хүн 09.27-ны өдрийн 08:30 цагийн орчим гэрээсээ гараад сураггүй болсон байна. 

 

Улмаар энэ сарын 28 өдрийн 08:00 цагийн орчим “Хэрлэн” голын эргээс 2 таягийг нь ар гэрийнхэн нь олж, голын усанд осолдсон байж болзошгүй тухай дуудлагыг өчигдөр Онцгой байдлын албанд ирүүлжээ. 

 

Дуудлага мэдээлийн дагуу аймгийн Онцгой байдлын газрын Эрэн хайх, аврах ангийн алба хаагчид тус сумын харьяат иргэн 54 настай хөгжлийн бэрхшээлтэй иргэн Э-г эрэн хайх ажиллагааг  зохион байгуулж өнөөдөр өглөөний  07:05 цагт таяг олдсон газраас зүүн зүгт 1.5 км зайд “Хэрлэн” голын уснаас цогцсыг олж гарган аймгийн Цагдаагийн байгууллагад шилжүүлэн өгсөн байна.