Манай улс 1998 оны нэгдүгээр сарын 15-нд УИХ-аар Казиногийн тухай хуулийн төслийг баталсан. Хууль баталснаас жилийн дараа буюу 1999 оны нэгдүгээр сарын 22-нд  “Казино нь гэмт хэрэг, хар тамхи, мансууруулах бодис гэх мэтээр сөрөг олон зүйл дагуулдаг учраас хүн ам цөөтэй, Монголын хувьд үндэсний аюулгүй байдалд нөлөөлнө” хэмээн тайлбарлаж хүчингүй болгов.  Ингэснээр мөн оны хоёрдугаар сард “Чингис” зочид буудалд нээлтийнхээ өдрийг товлож, засварын ажил хийн бас диллерээр ажиллах залуусыг сургалтад хамруулан бэлтгэж байсан “Мон-Макао” компанийн ажил зогссон юм.

 

Тэгвэл энэ намрын чуулганаар Сангийн яамнаас өргөн барьсан  “Коронавируст халдварын цар тахлын үеийн эдийн засгийн сэргэлтийг эрчимжүүлэх тухай” хуулийн төсөлд  казино, хурдан морины бооцоот тойруулгын үйл ажиллагаа эрхлэх зөвшөөрлийг Засгийн газраас 10 жилийн хугацаатай олгоно гэж тусгажээ.

 

Тодруулбал,18 дугаар зүйл. Казиногийн үйл ажиллагаа эрхлэх 18.2-д Кaзиногийн үйл ажиллагаа эрхлэх тусгай зөвшөөрлийг эдийн засгийн үр өгөөжтэй аялал жуучлалыг хөгжүүлэх боломжтой хоёр хүртэлх бүс нутагт олгоно. Кaзиногийн аялал жуучлалын бүс нутгийг Засгийн газар тогтооно. 18.3-д Казиногийн үйл ажиллагаа эрхлэх тусгай зөвшөөрлийг 10 жилийн хугацаагаар олгоно. 18.5-д Кaзиногийн үйл ажиллагаа эрхлэх тусгай зөвшөөрөл эзэмшигчид дараах зүйлийг хориглоно: 18.5.1 Монгол Улсын иргэнд үйлчлэх 18.5.2 21 нас хүрээгүй гадаадын иргэн, харьяалалгүй хүнд үйлчлэх 18.5.3 Зөвшөөрөл казиногийн байгууламжаас гадна үйл ажиллагаа явуулах 19.1 Казиногийн үйл ажиллагаа эрхлэх тусгай зөвшөөрөл эзэмшигч нь (нэг зуун мянган) америк долларын хураамж төлнө. 19.2 Кaзиногийн үйл ажиллагаа эрхлэх тусгай зөвшөөрөл эзэмшигч нь долоо хоног бүр орлогын 25 хувьтай тэмцэх татварыг улсын төсөвт төлнө. 20 дугаар зүйл.

 

Хурдан морины бооцоот уралдааны үйл ажиллагаа эрхлэх 20.2 Хурдан морины бооцоот уралдааны үйл ажиллагаа эрхлэх тусгай зөвшөөрлийг олгохдоо Засгийн газар эдийн засгийн үр өгөөж, аялал жуучлалыг хөгжүүлэх боломжийг харгалзан 2 байршил тогтооно. 20.3 Хурдан морины бооцоот уралдааны үйл ажиллагаа эрхлэх тусгай зөвшөөрлийг 10 жилийн хугацаатай олгож, мөн хугацаагаар сунгана. 21.1 Хурдан морины бооцоот уралдааны үйл ажиллагаа эрхлэх тусгай зөвшөөрөл эзэмшигч нь 35,000 (гучин таван мянган) америк долларын хураамж төлнө. Хурдан морины бооцоот уралдааны үйл ажиллагаа эрхлэх тусгай зөвшөөрөл эзэмшигч нь долоо хоног бүр орлогын 25 хувьтай тэмцэх татварыг улсын төсөвт төлнө.

 

Мөн хууль батлагдсан тохиолдолд бооцоот тоглоомын үйл ажиллагааг зөвшөөрөх аж. Тодруулбал, 22 дугаар зүйл. Тааварт бооцоот тоглоомын үйл ажиллагаа эрхлэх; 22.1 Тааварт бооцоот тоглоомын үйл ажиллагаа эрхлэх тусгай зөвшөөрлийг хууль зүйн асуудал эрхэлсэн төрийн захиргааны төв байгууллага олгоно. 22.2 Тааварт бооцоот тоглоомын үйл ажиллагаа эрхлэх тусгай зөвшөөрлийг 3 хүртэлх жилийн хугацаатай олгоно” гэжээ.

 

Казиногийн хуулийн төсөл бол Монголын парламентад таван удаа өвдөг шороодож байсан түүхтэй. Харин Сангийн сайд Б.Жавхлан  Цар тахлын үеийн эдийн засгийн хүнд нөхцөл байдлаас гарахад туслах  “амь тариа” нь казино байх боломжтой гэх хувилбараар хуулийн төслийг өргөн бариад байна.

 

Он удаан удаан шил дуншсан КАЗИНОГИЙН  хууль Ковидын дүйвээнээр дахин мэндэлж мэдэх нь ээ.