Өнгөрсөн шөнө нэгдүгээр төрх эмнэлэгт Яаралтай түргэн тусламж 103-аар очсон эмэгтэй нас барсан харамсалтай хэрэг цагдаагийн байгуууллагад бүртгэгджээ. 

Тодруулбал, Сэлэнгэ аймгаас гурав хоногийн өмнө эмнэлэгт хэвтэж эмчилгээ хийлгэхээр иргэн 26 М нь өчигдөр шөнө 23:00 цагийн үед эмнэлэгт хүргэгдээд нас баржээ. Тэрээр Хайлаастад дүүгийндээ байсан бөгөөд ЯТТ 103-т хоёр удаа дуудлага өгч байж эмнэлгийн бараа харсан ч эмчилгээ авч чадалгүй нас баржээ. Цагдаагийн байгууллагынхны урьдчилсан үзлэгээр талийгаачийг савны гадуурх жирэмсэлттэй байсан гэх мэдээлэл байна. Хэргийг цагдаагийн байгууллагаас шалгаж байгаа бөгөөд ар гэрийнхний нь хэлж буйгаар эмнэлгийнхэн яаралтай арга хэмжээ авч, амийг нь авраагүйд гомдолтой байгаа бололтой.