Нийслэлийн Налайх дүүргийн 6 дугаар хороо, “Тэнгэрийн энерги бясалгалын төв”-өөс өнгөрсөн оны долдугаар сарын 31-ний өдрийн 22:35 цагийн орчим Хан-Уул дүүргийн 2 дугаар хорооны иргэн 25 настай О сураггүй болсон. 

 

Тэгвэл өчигдөр тухайн эмэгтэйн цогцсыг олсон байна. 

 

Тодруулбал, Налайх дүүргийн зургадугаар хороонд нүхэнд хүний цогцос олдсон гаргахад тусламж хэрэгтэй байна гэсэн дуудлагыг дүүргийн цагдаагийн хэлтсээс өчигдөр өдрийн 16:45 цагт Онцгой байдлын алба хүлээн авчээ.

 

Дуудлагын дагуу дүүргийн Эрэн хайх, аврах бүлгийн алба хаагчид 30 км замыг туулан 17:36 цагт очиж 4 метрийн гүнтэй нүхэнд байсан цогцсыг 9 минут ажиллаж гарган тус дүүргийн цагдаагийн хэлтэст хүлээлгэн өгсөн байна. 

 

Эх сурвалжийн мэдээллээр эрэн сурвалжлагдаж байсан О-ийн цогцос болох нь тогтоогдсон байна.