УИХ дахь Ардчилсан намын бүлгийн дарга Д.Ганбат өнөөдөр мэдээлэл хийсэн. Энэ үеэрх Н. Алтанхуяг, С.Ганбаатар нарыг АН-ын бүлгээс Ц.Тувааныг Ардчилсан намаас дөрвөн жилийн хугацаатай хасаж байгаа гэх мэдээллийг хийсэн юм. 

 

Тэгвэл УИХ-ын дарга асан З.Энхболд өөрийн нийгмийн сүлжээндээ дээрх мэдээллийг хуваалцахдаа "гэж 40-ийн бидон хэлэв" хэмээн бичжээ.

 

Д.Ганбатын хувьд өмнө нь тойргийн иргэддээ бидон тарааснаар ийнхүү "БИДОН ГАНБАТ" гэсэн нэртэй болсон байдаг. УИХ-ын 2020 оны сонгуулиас хойш хоёр хуваагдсан АН-ынхан ийнхүү олон нийтийн өмнө зөрчилдөөнөө дэлгэж байсхийгээд хэдэн гишүүнээ намаасаа хөөдөг жишигтэй болоод байгаа юм.