Сүүлийн үед нийгмийн сүлжээнд цэргийн албыг хоёр жилийн хугацаатай болгох гэж байгаа гэх мэдээлэл цацагдах болсон. Тэгвэл Батлан хамгаалахын сайд Г.Сайханбаяр EGUUR.mn сайтад өгсөн ярилцлагадаа дээр асуултад хариулт өгсөн байна. 

 

Тэрбээр "Дэлхийн улс орнуудад хамгийн бага хугацаа нь нэг жил байдаг. Ихэнх улсуудад нэг жилээс дээш. БНСУ-д гэхэд нарийн мэргэжийн алба хаагчид нь 2 жил, доод тал нь 1.6 жил байдаг. ОХУ-д бас хоёр жил. БНХАУ-д мөн 1-3 жил. Мэргэжлээсээ шалтгаалаад. Тэгэхээр эргэж харахаас өөр аргагүй. Олон талаас нь судалгаа хийж, санал бодлоо нэгтгэж байж энэ шийдлийг гаргана" гэжээ.