Өвөрхангай аймагт байрлах Ерөнхий боловсролын сургуулийн дотуур байрнаас гараад сураггүй болсон ахлах ангийн сурагч охины цогцос олджээ. 

 

Охин алга болохоосоо өмнөхөн өнгөрсөн аравдугаар сарын 27-нд найз залуугийнхаа мотоциклд суугаад явсан нь хяналтын камерт бичигдэн үлдсэн байна. Улмаар  алга болсноос хойш ТАВ дахь хоног дээр буюу өчигдөр  охин болон найз залуугийнх цогцсыг олжээ.

 

Хэргийн газраас ТОЗ-8 маркийн буу олдсон байна.  Эх сурвалжийн мэдээллээр найз залуу гэх 23 настай Б нь талийгаач охиныг буудаж, амь насыг нь хохироогоод, дараа нь өөрийгөө буудсан байж болзошгүй байгаа аж.