УИХ-ын чуулганы өнөөдрийн хуралдааны эхэнд УИХ-ын гишүүн С.Ганбаатар Жолоочийн хариуцлагын даатгалын тухай хуулиар горимын санал гаргасан юм. Тэрбээр “МАН-ын бүлэг даатгалын компаниудад худалдагдаж, барьцаалагдаж, хахуул авсан байна. Жолооч нарын эрх ашгийг ярилцъя гэхэд МАН-ын бүлэг яагаад хэлэлцэхгүй гэв. МАН-ын бүлэг үүнийг эргэж хараач ээ” хэмээсэн юм. Харин МАН-ын бүлгийн дарга Д.Тогтохсүрэн түүнийг МАН-ын гишүүдийг авлига авсан гэж гүтгэсэн хэмээгээд уучлалт гуйхгүй бол шүүхэд өгнө гэлээ. Тэрбээр "С.Ганбаатар гишүүн Ардын намыг гишүүдээс уучлалт гуйгаарай. 62 хүний доромжилж болохгүй. Авлига авсныг тогтоогоорой. Таныг МАН-ын бүлэг шүүхэд болон Үндсэн хуулийн Цэцэд өгнө. УИХ-ын гишүүн чуулган дээр ганцхан тохиолдолд буюу гэмт хэрэгт гүтгэсэн тохиолдолд хариуцлага хүлээх зохицуулалттай. Өөрөө биднийг авлигын гэмт хэрэгт гүтгэлээ" гэсэн юм.

Д.Тогтохсүрэн: МАН-ын 62 гишүүнийг авлигын хэрэгт гүтгэсэн С.Ганбаатар таныг уучлалт гуйхгүй бол шүүхэд өгнө