Монгол охиныг Солонгосын ДӨРВӨН сурагч охин дарамталж, зодож, биед нь гэмтэл учруулсан талаарх мэдээлэл энэ сарын 1-ий өдөр БНСУ-ын хэвлэлүүдээр цацагдсан. 

 

Энэ хэрэг нь 2021 оны 7 дугаар сарын 3-нд гарсан хэрэг бөгөөд тус Цагдаагийн газарт 04-ны өдөр бүртгэгдэн мөрдөн байцаалтын ажиллагааг явуулсан байна. Сэжигтэн 4 хүүхдийн 2 нь хэрэг хүлээх насанд хүрээгүй учир тэдний хэргийг 10 дугаар сарын 1-нд хаагаад байга аж.  Харин хэрэг хүлээх чадвартай насанд хүрсэн 2 хүүхдэд холбогдох хэргийг 10 дугаар сарын 28-нд прокурорт шилжүүлж, анхан шатны шүүхийн шийдвэр гарсан байна.  

 

Тэгвэл Солонгосын иргэд энэ үйл явцыг эсэргүүцэж, ХУУЛЬДАА өөрчлөлт оруулж, боловсролын салбарын системд өөрчлөлт оруулах байр суурийг нийгмийн сүлжээгээрээ дамжуулан илэрхийлж эхэлжээ.