“The Voice of Mongolia” шоуны шилдэг оролцогч Б.Анужин нь “B Production”-нд харъяалагдаад жил гаруй хугацааг үдэж буй. Урлагийн хүрээнийхнээс ирээдүйтэй, чадварлаг, ирээдүй дуучин гэх үнэлгээг хэдийнээ авсан дуучин бүсгүй шинэхэн уран бүтээлээ гаргаж, youtube сувагт байршуулсан байна. 

 

Түүнтэй цөөн хором ярилцлаа. 

 

-Сайн уу? 

 

-Сайн байна уу? Танай сайтын уншигчдадаа энэ өдрийн мэнд хүргэе? 

 

-"B Production”-нд хэзээнээс харъяалагдаж байгаа вэ?

 

-Миний хувьд 2020 оны аравдугаар сард “B Production”-тай гэрээ хийж, орсон. Ийм том онгоцонд суусандаа маш их баяртай байгаа. Болдоо ахаасаа маш их зүйлийг суралцаж байна.Сайн уран бүтээлч болохын төлөө илүү ихээр хичээж байна.

 

-Шинэ уран бүтээлээ youtube сувагт байршуулжээ. Шинэ дууныхаа талаар мэдээлэл өгөөч?  

 

Энэ нэг жилийн хугацаанд "ҮҮЛЭН ДУНДУУР" нэртэй СD гаргасан. CD-нд багтсан шинэ уран бүтээл болох "Үүлэн дундуур" уран бүтээл маань өчигдөр youtube хуудаснаа байршигдсан. Одоо дараагийнхаа дууны клипээ хийгээд эхлүүлсэн байна. Саяхан Малдив улсад очоод жижиг хэмжээний тоглолт хийгээд ирсэн. 

 

 

-Дараагийн уран бүтээл төлөвлөгөөгөө гаргасан уу? 

 

-Одоогоор CD-нд багтсан дуунууддаа клип хийх төлөвлөгөөтэй байна. Удахгүй маш гоё гоё бүтээлүүдээрээ бэлэг барина аа.