Засгийн газар, УОК-ын хуралдаанаар их, дээд сургуулиудын амралтыг арванхоёрдугаар сарын 10-наас эхлүүлж, боломжит шалгалтыг цахим болон танхимаар зохион байгуулах шийдвэр гарсан. 

 

Гэвч төрийн өмчийн их дээд сургууль нь энэ шийдвэрийг үл тоож байна. Тодруулбал, Батлан хамгаалахын их сургууль төрийн шийдвэрийг үл тоон сургуулийнхаа ГУРАВ, ДӨРӨВДҮГЭЭР курсийн оюутнуудаа амраахгүй гэдгээ мэдэгджээ. 

 

Энэ талаар эх сурвалж "Дүү маань тус сургуульд суралцддаг. Гэтэл ирэх оны зургадугаар сар хүртэл амралтгүй, вакум орчинд хичээллэнэ гэсэн байна. Өөрсдөө вакум орчин гэж нэрлэж байгаа ч сургууль дээрээ нэг хоёрдугаар курсийн оюутнуудтайгаа холилдоод л байж байдаг. Оюутнуудаа амраахгүй, ар гэрийнхэнтэй нь уулзуулахгүй байгаа нь асуудал дагуулж байгаа юм. Цэрэг хүртэл ар гэрийнхэнтэйгээ тодорхой цагаар уулздаг. Харин Батлан хамгаалах их сургуулийн оюунтууд ийм эрхгүй, ар гэрээс нь бүрэн харилцаа холбоог нь тасалсан. Утсыг нь хураагаад авчихдаг. Ямар нэг чөлөө, ар гэрийн шалтгааныг үл тоодог. Энэ байдлаас болж оюутнууд сургуулийн захиргаандаа өргөдөл гаргахад "Хүсэхгүй бол жирийн сургууль руу шилж" гэсэн хариуг өгдөг. Сургуульд биш хорих ангид байгаа юм шиг байлгаж байгаад гомдолтой байна. Төрийн шийдвэрийг Төрийн өмчийн сургууль нь яагаад үл тоож байгааг ойлгохгүй байна" гэлээ.