Биеийн тамир, спортын улсын хорооны боловсруулж буй "Биеийн тамир спортын хувцас хэрэглэлийн стандарт" тогтоох хөтөлбөрт үндэсний бөхийн зодог шуудгийн стандартыг батлуулуулахаар болжээ. Үүнтэй холбогдуулан үндэсний бөхийн өмсгөл, хэрэглэл /малгай, зодог, шуудаг/ үйлдвэрлэдэг аж ахуйн нэгжүүдтэй ирэх сард уулзалт хийхээр болсон байна. Улмаар бөхийн өмсгөл, хэрэглэл үйлдвэрлэгчдэд "Стандартчлал хэмжил зүйн үндэсний төв"-өөс патент олгодог болох юм. Мөн тухайн үйлдвэрлэгчийн үйлдвэрлэсэн стандарт бус зодог шуудагтай бөхчүүдийг бөхийн барилдаанд оролцуулах боломжгүй болж байгаа аж. Жич: Батлагдах стандартад заагаагүй хувцас хэрэглэлтэй бөхчүүд одоо өмсөж буй зодог шуудгаа эрх авсан нэр бүхий үйлдвэрлэгчдээр засуулж нэгдсэн стандартын шаардлагад нийцүүлэн барилдаанд оролцох боломжтой болно.

МҮБХ: Стандартын бус зодог шуудаг өмссөн бөхчүүдийг бөхийн барилдаанд оролцуулахгүй