Чингэлтэй дүүргийн тавдугаар хороо Тасганы овоонд Шашны соёлыг дэлгэрүүлэх “Богд Зонхов” бурхны хөшөө бүхий төв барихаар 32 тэрбум 490 сая 800 мянган төгрөг төсөвлөснийг олон нийт эсэргүүцэж буй. Харин УИХ-ын гишүүн Ц.Цэрэнпунцаг хөшөө барихыг дэмжиж байгаа бол Соёлын сайд Ч.Номингийн хувьд үгүйсгээд байгаа юм. Тэгвэл Ц.Цэрэнпунцаг гишүүн өчигдөр байнгын хорооны хуралдааны үеэр " Богд Зонхов төслийг уухайлаад аваад явах ёстой. Буруу зөрүү юм хийсэн юм байхгүй. Энэ бол гадныхны бодлого ч байж магадгүй. Үнэт зүйлийг тасалж Монгол үндэстнийг тасална. Монгол нэртэй ч Монгол биш хүмүүс үлдэх гээд байна. Соёлоо хамгаална шүү Соёлын сайд аа" гэлээ. Ийнхүү тэрбээр Богд Зонхов төслийг үргэлжлүүлэн авч явах ёстой гэсэн байр сууриа дахин илэрхийллээ.

Ц.Цэрэнпунцаг: Богд Зонхов төслийг уухайлаад аваад явах ёстой