Энэ сарын 12-ны өдөр Сонгинохайрхан дүүргийн тавдугаар хорооны иргэн 15 настай, эмэгтэй А-г зургаан настай дүү Э-гийн хамт гэртээ байхад нь үл таних хүн орж ирэн зодож, хүчирхийлэхийг завджээ. Сэжигтэн этгээд А-гийн гар утас, бэлэн мөнгийг дээрэмдээд зугтжээ. Эл хэрэгт 2001 онд төрсөн Э. О-г шуурхай илрүүлж саатуулсан байна. Сэжигтэн этгээд нь өмнө хоёр ч удаа ял шийтгэл эдэлж байсан аж. Хэргийг өдгөө харьяаллын дагуу шалгалтын ажиллагаа үргэлжилж байна.