Өчигдөр буюу энэ нэгдүгээр сарын 13-ны өдөр /2022.01.13/ таксины жолоочийн амь насыг санаатайгаар хохироож, хэргийн газраас зугтсан этгээдүүдийг цагдаагийн алба хаагчид шуурхайлан баривчилжээ.

 

Тодруулбал, Сонгинохайрхан дүүргийн нутаг дэвсгэрт 42 настай таксины жолооч хийдэг байсан иргэн Б-г 20-21 насны дөрвөн эрэгтэй Толгойт руу хүргүүлэх үедээ таксины мөнгөнөөс болж маргалдан жолооч Б-г хутгалж амийг нь хохироосон байна. Тус дөрвөн залуу бүлэглэн Б-ийн цээжин тус газарт хутгалж, улмаар шархаа дийлэлгүй амьсгал хураасан аж.

 

Иймд Нийслэлийн цагдаагийн удирдах газрын Мөрдөн шалгах газрын Хүнд гэмт хэрэгтэй тэмцэх хэлтсийн алба хаагч нар Сонгинохайрхан дүүргийн цагдаагийн Нэгдүгээр хэлтсийн эрүүгийн цагдаагийн тасгийн алба хаагчидтай хамтран илрүүлжээ.