Хөгжлийн банкны захирлаар ердөө хагас жилийн хугацаанд ажиллаад гарсан Г.Амартүвшин хоёр найз Х.Ганхуяг, Г.Дамдинням нарын хамаарал бүхий “Вертекс майнинг партнер” ХХК-д 33 тэрбумын зээл олгох шийдвэрийг гаргажээ. Ингэхдээ өөрийн эрх мэдэл, албан тушаалын байдлаа урвуулан ашиглаж, өөрийн хүнээрээ гарын үсэг зуруулан 33 тэрбум төгрөгийг Хөгжлийн банкнаас гаргуулан авчээ. Тодруулбал, тухайн үед Дэд захирал бөгөөд Төслийн санхүүжилт, зээлийн газрын захирал Ч.Мөнхбаяр нь 2020 оны нэгдүгээр сарын 2-ны өдрөөс эхлэн ээлжийн амралт эдлэхээр болсон байгаа юм. Ч.Мөнхбаярыг ээлжийн амралтаа эхлүүлэхээс гурав хоногийн өмнө Г.Амартүвшин захирал нэгэн тушаал гаргасан байдаг. Тэр В244 тушаал. Уг тушаалаар Дэд захирал бөгөөд Төслийн санхүүжилт, зээлийн газрын захирал Ч.Мөнхбаяр нь 2020 оны нэгдүгээр сарын 2-ны өдрөөс эхлэн ээлжийн амралт болсон учир түүний ажил үүргийн Дотоод хяналтын хэлтсийн захирал Цолмонгоор хавсруулан гүйцэтгүүлэхээр шийдвэрлэсэн байдаг. Нэг үгээр газрын захирлын ажлыг хэлтсийн захиралд өгчихсөн байгаа юм. н.Цолмонгийн хувьд Г.Амартүвшинг ХАС банкнаас Хөгжлийн банк руу томилогдоход нь дагаж очсон хоёр хүний нэг. Ингэж өөрийн хүнээр Зээлийн газрын захирлын үүргийг гүйцэтгүүлж байгаад 33 тэрбум төгрөгөө авсан ноцтой үйл ажиллагаа юм. Ингэхдээ 2020 оны нэгдүгээр сарын 03-ны өдөр ганцхан удаагийн гүйлгээгээр 33 тэрбумаа гаргуулан авсан. Төслийн үйл явц, үр дүнг тооцож үзэлгүйгээр ийнхүү эрх мэдлээ тултал нь ашигласан хэрэг л дээ. Ийнхүү хийдэлтэй, зөрчилтэй зээл өнөөдөр "НАЙДВАРГҮЙ" гэх ангилалд орчихоод байна.... Гурван найзын 33 тэрбумын талаар баримтыг цувлараар хүргэнэ.....

Г.Амартүвшин Хөгжлийн банкны захирал байхдаа "Хас" банкнаас дагуулж очсон хүнээрээ гарын үсэг зуруулж 33 тэрбум төгрөгийг ганцхан гүйлгээгээр авчээ