Хөгжлийн банкнаас зээлийн багцын мэдээллийг олон нийтэд зарласнаар чанаргүй зээлдэгч болон эргэн төлөлтийн төлбөрийн зөрчил үүссэн зээлдэгчдийн жагсаалт ил тод болсон. Эдгээр жагсаалт дунд улс төрчидтэй дам болон шууд байдлаар холбоотой компаниуд ч цөөнгүй байгаа. Хөгжлийн банкны гүйцэтгэх захирал Н.Мандуул зээл гарахад улс төрийн нөлөө байхыг үгүйсгэхгүй гэсэн нь ч үнэний ортой.

 

Тухайлбал, эргэн төлөлтийн төлбөрийн зөрчил үүссэн зээлдэгчийн жагсаалтад “Вояжер минерал ресурсес” компанийн  2018 онд авсан зээл орж байна. Нийт 414 сая иенийн зээл авснаас 145 сая иенийн үлдэгдэлтэй. Торгуулийн хүү, хуримтлагдсан хүү, үндсэн хүүний өр болон үндсэн зээлийн өртэй нийлээд төгрөгт шилжүүлвэл өнөөдрийн ханшаар 3,611,310,629 буюу 3,6 тэрбум төгрөг болж байна.

 

Энэхүү компанийн үндсэн эзэмшигч нь Улсын бүртгэлийн ерөнхий газарт бүртгүүлснээр Ч.Чинбат болон Ц.Бямбацоож гэжээ. Хувь эзэмшигч Ч.Чинбат нь хэн бүхний таних монголын толгой баячуудын нэг, өдгөө Сэлэнгэ аймгаас УИХ-д томилогдсон Ч.Ундрамын аав юм. Хөгжлийн банк улсын хөгжлийг түргэсгэгч стратегийн томхон бүтээн байгуулалтад зээл олгох зориулалттай байгуулагдсан ч  зээл авсан компанийн цаана  хэн нэгэн улс төрч байх нь хөгжлийн биш “авлигын” банк болсныг гэрчилж байна. Хэдийгээр 2018 онд Ч.Ундрам УИХ-ын гишүүн болоогүй байсан ч хамаарал бүхий компанийх нь авсан зээл эрсдэлтэй гэх ангилалд оржээ. Тиймээс зээлээ төлөлгүй хар дансанд орж, луу унжиж байгаа "Вояжер минерал ресурсес" компанийг анхаарч зээлээ төлнө үү. 

Хөгжлийн банкны зээлийн мэдээллийг https://www.dbm.mn/news/1028