"УБТЗ" хувь нийлүүлсэн нийгэмлэгийн Дотоод аудит, хяналт шалгалтын албаны орлогч дарга Ж.Пунцагийг ажлаас нь чөлөөлжээ. Түүнийг өнгөрөгч нэгдүгээр сард АТГ-аас хоёр өдрийн турш саатуулаад байсан юм. Тодруулбал, Ж.Пунцагт эрүүгийн хэрэг үүсгэж, яллагдагчаар татах саналыг прокурорт хүргүүлсэн. АТГ-ын Хэвлэл мэдээлэл, олон нийттэй харилцах албаны ажилтан Н.Тэмүүлэн Хөгжлийн банкны асуудлаар мэдээлэл өгөх үеэрээ Ж.Пунцагт холбогдох асуултад хариулсан юм. Ингэхдээ "Хоёр өдөр саатуулаад сулласан нь мөрдөн шалгах ажиллагаа дууссан гэсэн үг биш. Үргэлжилж байгаа" хэмээсэн билээ.