Засгийн газрын хуралдаанаас гаргасан шийдвэрийг танилцуулж байна. Энэ үеэр Соёлын сайд Ч.Номин "Өнөөдрийн Засгийн газрын хуралдаанаар Каннын фестиваль, Венецийн дүрслэх урлагийн Биеннальд оролцох шийдвэрийг гаргалаа. Энэ нь уран бүтээлчид, ААН-үүдийг бодитойгоор дэмжиж байгаа үйл ажиллагаа болж байна. Мөн дөрвөн Холливүүдын компанитай хамтран ажиллах суурь нь тавигдсан. Нэрийг нь одоогоор зарлах боломжгүй байна. Ирэх зургадугаар сард Монголд эхний киноны зураг авалт хийхээр төлөвлөгдсөн" гэлээ.