Хөгжлийн банкны зээлтэй холбоотой асуудлыг хууль хяналтын байгууллагаад шалгаж, нэр бүхий хүмүүсийг цагдан хориод байгаа билээ. Тэгвэл УИХ-ын гишүүн С.Бямбацогтод эрүүгийн хэрэг үүсгэн шалгаж эхэлжээ.

 

Тодруулбал, УИХ-ын гишүүн С.Бямбацогтын хамаарал бүхий "Вестерн холд" ХХК нь 2019 онд Хөгжлийн банкнаас 28 сая ам.долларын зээл авсан байдаг. Зээлийн төлөлт хэвийн үргэлжилж байгаа ч дээрх компанийг Хөгжлийн банкнаас зээл авахад УИХ-ын гишүүн С.Бямбацогтыг нөлөөлсөн байж болзошгүй хэмээн үзэж ийнхүү эрүүгийн хэрэг үүсгэн шалгаж эхэлсэн байна.