“Жаст групп“-ын захирал асан Ш.Батхүү нарын нэр бүхий шүүгдэгч нарт холбогдох хэргийн гэм буруугийн шүүх хуралдааныг өнөөдөр өдрийн 10 цагт товлосон байв. Гэвч шүүгдэгч Э.Сүрэн хүндэтгэн үзэх шалтгааны улмаас ирээгүй, шүүгдэгч Г.Алтан нас барсантай холбоотой түүнд холбогдох хэргийг хэрэгсэхгүй болгосонтой холбоотойгоор оролцогч нарын гомдол гаргах эрхийг хангах зорилгоор шүүх хуралдааныг хойшлуулж, дараагийн шүүх хуралдааныг жич товлохоор тогтоож, шүүгдэгч нарт урьд авсан таслан сэргийлэх арга хэмжээг тус тус хэвээр үлдээж шийдвэрлэв.

 

Сануулахад, энэ хэргийн улмаас Лондоны арбитрийн шийдвэрээр Монгол Улсын Засгийн газар Стандарт банкинд 41,22 сая ам.доллар,  хэрэг хянан шийдвэрлэхтэй холбоотой гарсан зардал болох 4768 мянган фунт стерлингтэй тэнцэх мөнгөн дүнг Эрдэнэт үйлдвэрийн Эрсдэлийн сангаас гаргаж төлсөн байдаг.