Ерөнхийлөгч асан Халтмаагийн Баттулга улс төрд эргэн ирж буйгаа сүр дуулиантайгаар зарлаж ардчилсан намын даргын сунгааны дэнчин болох 500 сая төгрөгөө ч төлж Ардчилсан намын даргад өрсөлдөхөөр болсон билээ. 2022/03/16-ны өдөр түүний Ардчилсан намын даргын сонгуулийн сурталчилгааны ажил албан ёсоор эхэлж 21 аймгийг тойрох ажилдаа хэдийнээ ороод байна.

Тэгвэл энэ сарын 16-ны өдөр сэтгүүлчдийн асуусан асуултад хариулахдаа МоАХ-ны газрыг би барьцаанд тавьсан зүйл байхгүй тийм алгын чинээ газрыг өндөр үнээр авах тэнэг банк байхгүй хэмээн ам бардам мэдэгдэж байсан ч тухайн газрыг барьцаалах тухай МоАх-ны албан бичигт өөрөө гарын үсэг зурж барьцаанд тавьсан баримт нь нийтэд ил боллоо.