Чингэлтэй дүүргийн  нэгэн цэцэрлэгийн эрхлэгчээр ажиллаж байсан Н харьяаллын бус хүүхэд цэцэрлэгтээ авахдаа хахууль авсан хэргээр шүүгджээ.

 

Тодруулбал, 2020-2021 оны хичээлийн жилд иргэн Х-ээс 500 мянган төгрөгийн хахуулийг дансаараа шилжүүлэн авчээ. Түүнчлэн эл хэрэгт хахууль өгсөн иргэн Х ч холбогдсон байна.

 

Ийнхүү өнгөрсөн хугацаанд уг хэргийг анхан болон давж заалдах шатны шүүхээр хлээлцэж, адил шийдвэр гаргасан байна.

 

Шүүхээс цэцэрлэгийн эрхлэгч Н-д нийтийн албанд томилогдох эрхийг таван жилийн хугацаагаар хасаж, 10.000 нэгжтэй тэнцэх хэмжээний буюу 10.000.000 төгрөгөөр торгох ял, хахууль өгсөн иргэн Х-д нийтийн албанд томилогдох эрхийг хоёр жилийн хугацаагаар хасаж, 2700 нэгжтэй тэнцэх хэмжээний буюу 2.700.000 төгрөгөөр торгох ял тус тус оногдуулж, уг торгуулийг гурван жилийн хугацаанд хэсэгчлэн төлүүлэхээр тогтоожээ.