Монголын үндэсний олимпын хорооны VIII чуулган өнөөдөр Шангри-Ла зочид буудалд болж байна. Чуулганд 181 төлөөлөгчөөс 151 хүн оролцож байгаа юм. Тэгвэл  дөнгөж сая олимпын хорооны шинэ удирдлагыг сонголоо. 

 

Тодруулбал, хуралд оролцсон нийт төлөөлөгчийн 92 хувийн саналаар Б.Баттүшиг  МҮОХ-г ирэх олимпын мөчлөгт удирдах Ерөнхийлөгчөөр сонгогдлоо. 

 

МҮОХ-ны ерөнхийлөгчийн сонгуульд Ерөнхийлөгч асан Х.Баттулга, МҮОХ-ны тэргүүн дэд Ерөнхийлөгч Б.Баттүшиг, Монголын биатлоны холбооны ерөнхийлөгч Э.Мөнх-Очир нар нэр дэвшсэн юм.  Улмаар Х.Баттулга нэрээ татсан учир Б.Баттүшиг, Э.Мөнх-Очир нарын дунд санал хураалт явагдлаа.