Гэр бүлээрээ үхлийг сонгож, том хүүгээ хөнөөн, бусад хүүхдээ ч егүүтгэх гэж байжээ -Эцэг эхийнхээ гарт амиа алдах байсан гурван хүүхдийг цагдаагийнхан аварлаа- Гэр бүлийн таарамжгүй харилцаа, хардалтын улмаас хүүхдүүдээ хөнөөж, дараа нь амиа хорлохоор тохиролцсон ноцтой хэрэг Баянзүрх дүүрэгт өнөө өглөө гарлаа. Тус дүүргийн 28 дугаар хорооны нутаг, Хужирбулангийн гудамжинд амьдардаг гэрийн эзэн 33 настай С.М, эзэгтэй Т.М нар хардалтын улмаас хоорондоо өнөө өглөө 08.00 цаг өнгөрч байхад маргалдаж, эцэстээ хүүхдүүдийнхээ амийг егүүтгээд дараа нь өөрсдийгөө хөнөөе гэж тохиролцсон гэнэ. Улмаар нэгэн сургуулийн долдугаар ангийн сурагч 13 настай Х хэмээх хүүгийнхээ амийг ээж Т.М нь хөнөөсөн байна. Ийнхүү ноцтой хэрэг өдүүлж байхад нь гэр бүлийнх нь бусад гишүүн цагдаагийн байгууллагад дуудлага өгснөөр өглөө 08.10 цагийн үед цагдаагийнхан очиж, 12, ес, нэг настай хүүхдүүдийнх нь амийг аварч, хамгаалах байранд хүргэж, эхнэр, нөхрийг хорьж шалгаж эхэлжээ. Энэ гэр бүлийнхэн 2007 онд Улаанбаатар хотод шилжин ирсэн аж. Өдгөө цагдаагийнхан мөрдөн шалгах ажиллагаагаа үргэлжлүүлж байна.

Шуурхай:Хардалтын улмаас хосууд "Гурван хүүхдээ ална" гэж тохиролцоод ээж нь том хүүгээ хөнөөсөн хэрэг гарчээ