Хөвсгөл аймгийн Рашаант сумын төвөөс бага насны хүүхэд өчигдөр өдрийн 11:00 цагийн орчим гэрээсээ гараад сураггүй болсон тухай дуудлагыг мөн өдрийн оройн 20:08 цагт Онцгой байдлын алба хүлээн авсан байна. Улмаар суманд үүрэг гүйцэтгэж байсан аймгийн Онцгой байдлын газрын Эрэн хайх, аврах салбарын алба хаагчид, сумын мэргэжлийн ангийнхан 12 нас Э хүүг эрэн хайх ажиллагааг эхлүүлж, Рашаант сумын төв болон Их-Ац багийн “Амга”, “Айраг”, Энхтал багийн “Дөрөлж” гэдэг газруудаар зохион байгуулж, 04.22-ны өдрийн 00:30 цагт Рашаант сумаас зүүн урд зүгт 31 км-т Архангай аймгийн Цэцэрлэг сумын Хонгорж багийн “Шанд” гэдэг газар нутагладаг тус сумын харьяат малчин Б-ынд эсэн мэнд байхад нь олжээ.

Хөвсгөл аймгийн Рашаант сум дахь гэрээсээ гараад сураггүй болсон хүүг Архангай аймгийн малчин айлаас эсэн мэнд олжээ