Хотын дарга Д.Сумъяабазар өчигдөр "Улаан бал" ярилцлагын нэвтрүүлэгч уригдан оролцсон. Энэ үеэр нийслэл хотын камеруудыг шинэчлэх шаардлагатайг дурьдсан юм. Тэрбээр "Нийслэл дэх камеруудын ихэнх нь ажилладаггүй. Үүнийг жолооч нар ч мэддэг. Иймээс автомашины хөдөлгөөн болон дугаар танигч мэдрэгчтэй, хөдөлгөөнд оролцож байгаа машиныг мэдээллийг бүртгэлжүүлэх камеруудыг нэвтрүүлэх гээд ажиллаж байна" гэсэн мэдээллийг өглөө. Албаны мэдээлэл: Улаанбаатар хотод 2010-2020 оны хооронд 3600 гаруй цэг дээр нийслэл болон улсын хөрөнгөөр камер суурилуулсан байдаг. Эдгээрээс 40 гаруй хувь нь олон жил болж ажиллагаагүй болсон, эвдэрч, гэмтэж чанарын шаардлага хангадаггүй камерууд байгаа аж. . Одоо байгаа камерууд нь тус тусдаа системтэй нэг дүүрэг, нэг хороонд 10 камерыг нэгтгэн нэг серверт байршуулаад явдаг. Гэтэл энэ үр дүнгээ өгөхгүй очоод шалгахаар камер байгаа боловч дүрс бичлэг байхгүй, дүрс бичлэг байсан ч тухайн бичлэг нотлох баримтын хэмжээнд харагддаггүй гээд олон зөрчил дутагдлууд байдаг байна. Иймээс нийслэлээс камерын ухаалаг системд суурилуулж нэгдсэн удирдлага хяналттай болох зорилт дэвшүүлж ажиллаж байна. Энэ ажлын хүрээнд 2022 он гэхэд Улаанбаатар хотын нутаг дэвсгэрийн 80 хувийг ухаалаг камераар хянадаг байх зорилт дэвшүүлсэн байна.

Д.Сумъяабазар: Нийслэлд байгаа камеруудын ихэнх нь АЖИЛЛАДАГГҮЙ, жолооч нар ч мэддэг