Булган аймгийн Хутаг өндөр сумын Уньт багт нутаг дэсвсгэрт "Автомашины эд ангид 1 хүн хавчуулагдсан тусламж хэрэгтэй байна" гэсэн дуудлагыг өчигдөр 08:28 цагт Онцгой байдлын алба хүлээн авсан байна. Дуудлага мэдээллийн дагуу аймгийн Онцгой байдлын газрын Эрэн хайх, аврах салбарын алба хаагчид 50 км замыг туулан 08:52 цагт очиход Хөвсгөл аймгаас Булган аймгийн чиглэлд зорчиж явсан “Лексус-570” загварын суудлын автомашин замын зорчих хэсгийн хажуу руу онхолдож иргэн 32 настай У автомашины эд ангид хавчуулагдаж нас барсан байсныг 1 цаг 02 минут ажиллаж цогцсыг гарган Булган аймгийн Цагдаагийн газрын мөрдөн байцаах тасагт хүлээлгэн өгсөн байна. Харин жолооч 24 настай Б-д эмнэлгийн анхны тусламж үзүүлэн аймгийн Нэгдсэн эмнэлэгт хүлээлгэн өгчээ.

Хөвсгөлөөс Булган аймгийн чиглэлд явж байсан "Лексус-570” загварын суудлын автомашин онхолдож, нэг хүн нас барж, нэг хүн эмнэлэгт хүргэгджээ