Ерөнхийлөгч салбар салбартаа олон жил үр бүтээлтэй ажилласан эрхмүүдэд үндэсний их баяр наадмыг угтан төрийн дээд одон медаль гардуулж буй. Өнөөдөр Монгол Улсад дэгдсэн таван удаагийн халдварт өвчний голомтонд ажиллаж, эрүүл мэндийн салбарт 37 жил ажиллаж, тэр дундаа эмнэлгийн тусламж үйлчилгээг удирдан 27 жил ажилласан ХӨСҮТ-ийн Эмчилгээ эрхэлсэн Дэд захирал асан, Сүрьеэгийн зөвлөх эмч, Дотрын тэргүүлэх зэргийн эмч, ХӨСҮТ-ийн клиникийн профессор М.Тунсагт Монгол Улсын хүний гавьяат эмч цол олгохоор болжээ. Түүний хувьд дэлхий нийтэд нүүрлэсэн Коронавируст халдварын хүнд үеийг даван туулахад улсын хэмжээнд эмнэлгийн тусламж, үйлчилгээний бэлэн байдлыг хангаж, удирдан зохион байгуулж байв.