​С.Энхболд: Хөл хорихгүй бол өдөрт батлагдах тохиолдлын тоо 3000 давах болно

2021-04-08,   253

Эрүүл мэндийн сайд С.Энхболд МҮОНРТ-д цар тахлын нөхцөл байдлын талаар мэдээлэл өглөө: 
 
1. ЭМЯ хөл хорих саналаа Засгийн газарт оруулсан. Би өөрөө хувь хүний хувьд хөл хорионы эсрэг байгаа, амьдрал хэцүүднэ.  Харин эмч хүний хувьд хэлэхэд хөл хорио тогтоож байж халдаврын эрчмийг барина, вакцинжуулалт үр дүнтэй болно.
 
2. Хэрвээ "Нэг хаалга-Нэг шинжилгээ" хийгээгүй бол өдөрт гарах халдварын тохиолдол 5-6 мянга хүрэх байсан. 
 
3. Нийслэлд 2107 ор бэлдсэн, нийт тохиолдлын 85-90 хувь нь хөнгөн учир гэрээр эмчилж байна. Гол нь өөрийн хүсэлтийг харгалзаж байгаа.
 
4. Ковидтой өвчтөний нэг хүний эмчилгээний дундаж  зардал 4 сая 300 мянган төгрөг гэж гарсан. Энд бүх л үйл ажиллагаа, аппарат, ажилчдын хувцас хэрэгслэл багтаж байгаа юм. 
 
5. Одоогоор 1350 хүн гэрийн тусгаарлалтад байгаа.
 
6. Эмнэлэгт бол 10 хоног эмчлээд гэрт нь гаргаж байгаа.
 
7. Хөл хорихгүй бол халдврын тоо одоогийнхоос 10 дахин нэмэгдэнэ. Өдөрт батлагдах тохиолдлын тоо 1000-3000 хүрнэ. 
 
8. Ямарч цар тахлыг хөл хорио тогтоож байж л хумьдаг.
 
9. 24-54 насны хүмүүс халдварт илүү өртөж байна. Ажлын байр болон гэр бүлийн орчноос халдвар илэрч байна.
 
10. Одоогоор 330 мянга гаруй хүнд вакцин хийсэн. Хүн амаа вакцинжуулалтаар Азидаа тавд, дэлхийд 17-д орж байгаа. Одоо ОХУ-аас нэг сая, БНХАУ-аас 900 мянган тун вакцин орж ирж байгаа.
 
 

​С.Энхболд: Хөл хорихгүй бол өдөрт батлагдах тохиолдлын тоо 3000 давах болно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд sensatsi.mn хариуцлага хүлээхгүй.

Нийт сэтгэгдэл: 0
Шинэ мэдээ