Хөвсгөл аймгийн Мөрөн суманд байрлах "Сод Монгол" компаниас шатахуун авсан машин гэнэт унтарч, таг зогссон байна. Жолоочийн зүгээс энэ эвдрэл нь "Сод Монгол" компаний өгсөн шатахуун устай байснаас үүдэлтэй хэмээн цахим орчинд бичлэг хийн байршуулсан байна. Иймээс иргэн Б.Сүхгочоо энэ талаарх гомдлоор “Сод Монгол” компанид хандсан ч хөөгдөөд гарчээ. Түүний зүгээс “Эвдрэл гэмтэлгүй машины маань мотор чанаргүй шатахуунаас болж эвдэрсэн. Хэрвээ миний амь амьдрал залгуулдаг унааг минь засч хохирол барагдуулахгүй бол Сүхбаатарын талбай дээр өөрийгөө шатаана” гэсэн байр суурийг цахим орчинд илэрхийлжээ. "Сод Монгол" компани бол сүүлийн үед охид бүсгүйчүүдэд бэлгийн дарамт үзүүлсэн гэх асуудалт нэр холбогдоод байгаа УИХ-ын гишүүн Ш.Анандбазарынх юм.

"Сод Монгол" компаниас устай шатахуун авсан иргэн: Амь амьдрал залгуулдаг унааг минь засч хохирол барагдуулахгүй бол өөрийгөө шатаана