Өнгөрсөн шөнийн 00.23 цагийн орчимд өндрөөс хүн уналаа гэх дуудлага мэдээлэл цагдаагийн байгууллагад иржээ. 

Эх сурвалжийн мэдээлж байгаагаар улсын нэгдүгээр төв эмнэлэгт коронавирусийн халдвартай иргэдийг хүлээн авч, эмчилж байсан тасгийн сувилагч зургаан давхрын цонхоор унаж, амиа алдсан байна.           

 

  ЦЕГ-ын Хэвлэл, мэдээллийн албаны дарга, цагдаагийн хурандаа Б.Баатархүү: 

 

-Өчигдөр 23 цагийн үед Сүхбаатар дүүргийн цагдаагийн нэгдүгээр хэлтэст УНТЭ-ийн гадаа, өндрөөс унасан байдалтай хүн нас барсан байна гэсэн дуудлага ирсэн. Амь хохирогч 42 настай, эмэгтэй байсан. Хэргийн урьдчилсан үзлэгээр тус эмнэлгийн зүүн жигүүрийн зургадугаар давхраас унасан байж болзошгүй гэж үзэж байна. Зургадугаар давхар нь ковидтой хүмүүсийг эмчилж буй давхар байгаа.