Сэлэнгэ аймагт оршин суух 48 настай эрэгтэй, 15 настай дагавар охиноо хүчиндэж, жирэмсэн болгосон ноцтой хэрэг гарчээ.

Охины ээж "Миний охин бусдад хүчиндүүлсэн байж болзошгүй байна" гэсэн мэдээллийг энэ сарын 10-ны өдөр Сэлэнгэ аймгийн цагдаагийн газарт өргөдөл өгч шалгуулах хүсэлт гаргасан байна.

Улмаар цагдаагийн байгууллагаас хэргийг шалгаж эхлэхэд хохирогч охинтой хамт амьдардаг хойд аав нь хүчирхийлж, жирэмсэн болгосон гэх асуудал тогтоогдож мөрдөн шалгаж ажиллагааг эхлүүлжээ. Сэжигтэн этгээдийг одоогоор цагдан хорьж шалгаж байгаа аж.