Өчигдөр 12 цагийн орчимд нийслэлийн Баянзүрх дүүргийн 97-р сургуулийн гурван давхраас багш эмэгтэй унаж амиа алдсан харамсалтай хэрэгтэй гарсан. 

 

Тэгвэл эх сурвалжийн мэдээллээр тухайн багш хэт их ачааллын улмаас сүүлийн үед бие тавгүйрхэх болсон байна. Тухайн багшийн хувьд тус сургуульд Монгол хэлний багшаар ажилладаг. Харамсалтай хэрэг гарахын өмнө сурагчиддаа давтлага өгч байсан аж. Улмаар бие нь эвгүйрхэж, түр салхилахаар аваарын шатны хэсэгт салхилах үед толгой нь эргэж унасан байх магадлалтай байгаа аж. 

 

Харамсалтай үйл явдал болохоор өмнө тухайн багш нойргүйдлийн улмаас толгой нь  өвдөж, бие нь муу байгаа талаар ярьж байсан байна.