Бусдын өвчтэй хүүхдийн зургийг олон нийтийн сүлжээнд байршуулж 5 сая төгрөг цуглуулсан иргэнийг торгох ялаар шийтгэв

2022-05-03,   863

Баянгол дүүргийн прокурорын газраас олон нийтийн сүлжээнд хуурамч зар түгээж нийт 500 иргэнийг залилан мэхэлсэн  хэрэгт яллах дүгнэлт үйлдэн шүүхээр шийдвэрлүүллээ.
 
Тодруулбал, иргэн М.Г нь олон нийтийн сүлжээнд бусдын өвчтэй хүүхдийн зургийг байршуулж, эмчилгээний зардалд зориулан хандив тусламж гуйсан утга бүхий худал мэдээлэл тараан, өөрийн банкны дансаар нэр бүхий 500 иргэнээс нийт 5 сая гаруй төгрөгийг шилжүүлэн авч, залилан мэхлэх гэмт хэрэг үйлдсэн байна.
 
Баянгол дүүргийн Эрүүгийн хэргийн анхан шатны шүүхээс дээрх хэргийг хянан хэлэлцээд, иргэн М.Г-г Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцож торгох ял оногдуулж, гэмт хэрэг үйлдэж олсон хууль бус орлогыг албадан гаргуулахаар шийдвэрлэсэн байна.
 
Иймд иргэд хандив, тусламж хүссэн зар мэдээллийн үнэн эсэхийг нягталсны үндсэн дээр бусдад мөнгө хандивлаж байх, танихгүй хүнийг фэйсбүүкийн найзаар хүлээн авахгүй байх, хувийн мэдээллээ нууцлахад анхаарах, мөн “зээл өгнө, мөнгө явуулсан, та азтан боллоо” зэрэг агуулгатай мессеж, мэдээлэлд сонор сэрэмжтэй хандаж, гэмт хэрэгт өртөхөөс болгоомжлоорой.
 

Бусдын өвчтэй хүүхдийн зургийг олон нийтийн сүлжээнд байршуулж 5 сая төгрөг цуглуулсан иргэнийг торгох ялаар шийтгэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд sensatsi.mn хариуцлага хүлээхгүй.

Нийт сэтгэгдэл: 0