Хүчтэй шороон болон цасан шуурганы улмаас энэ сарын 13-ны өдрийн 23:20 цагт ОХУ-аас Баруун бүсийн аймгуудад цахилгаан эрчим хүч нийлүүлдэг С-458 агаарын шугамын 216 дугаар тулгуур багана (Увс аймгийн Улаангом сумаас баруун тийш 90 орчим км) унаж, Баян-Өлгий, Увс, Ховд аймагт цахилгаан тасраад байв.

Тэгвэл өнөөдөр унасан тулгуур баганыг  амжилттай босгож, аваарийг бүрэн устгаж дуусаад 2021.03.16-ны 01:11 цагт хэрэглэгчдийг цахилгаан эрчим хүчээр хангалаа гэж Баруун Бүсийн Эрчим Хүчний Систем ТӨХК-ийн ерөнхий инженер н.Батхүү мэдээллээ.