Баянхонгор аймгийн Баянговь сумын Залаа 3 дугаар багийн “Өлзий үүрийн ам”, “Хойд хажуу” гэдэг газруудад энэ 14-ний өдрийн 16:00 цагийн үед 28 м/с хүчтэй шороон шуурга шуурчээ

Шуурганы улмаас малчин Г, Д нарын 5 ханатай гэр нурж, эвдэрсэн тухай мэдээллийг Онцгой байдлын алба хүлээн авсан байна. Улмаар тус аймгийн Баянговь сум дахь Эрэн хайх, аврах бүлгийн алба хаагчид, сумын Засаг даргын Тамгын газрын ажилтнууд очиж ажиллажээ.