Өнгөрсөн хоёрдугаар сарын 3-ны өдрийн 13:33 цагт Сүхбаатарын талбайд нэгэн иргэн өөр дээрээ шатахуун асгаж амиа егүүтгэсэн ноцтой хэрэг гарсан.  Амиа егүүтгэсэн иргэний хувьд  Чингэлтэй дүүрэгт оршин суух хаягтай 1987 онд төрсөн 34 настай Э гэх хүн байсан юм. 

 

Тэгвэл тухайн иргэн яагаад ийм алхам хийснийг нь ар гэр болон холбогдох хүмүүсээс тодруулан шалгасны эцэст хэргийг хаах саналыг Сүхбаатар дүүргийн Цагдаагийн 1 дүгээр хэлтсээс харьяалах дүүргийн Прокурорын газарт гаргах болсныг эх сурвалжууд мэдээлжээ. Тодруулбал, хэд хэдэн шинжээчийн дүгнэлт, гэрчүүдийн мэдүүлэг, бусад нотлох баримтад тулгуурлан хэргийг хаах санал гаргаж байгаа ажээ.