Ерөнхий боловсролын сургуулийн хоёрдугаар улирлын амралт ирэх долоо хоногоос эхэлнэ. Тодруулбал, энэ сарын 29-өөс дөрөвдүгээр сарын 2-ыг дуустал сурагчид амарна гэдгийг салбарын сайд мэдэгдлээ. Энэ хооронд теле хичээл явагдахгүй.

 

2020-2021 оны хичээлийн жилд нийт хичээл сургалтын үйл ажиллагааны 45 хувийг зайнаас буюу теле, цахим хэлбэрээр олгож байна. Оршин суугаа байршил, цахим төхөөрөмжийн хангалт, амьжиргааны түвшин, эрчим хүчний хангалт зэргээс хамаараад теле болон цахим сургалтад хамрагдаж чадахгүй байгаа 174 мянган хүүхэд байгаа аж.