Баянхонгор аймаг, Бууцагаан сумын Тэмээт багийн “Хөх толгой” гэдэг газар малчин Б нь энэ 26-ны өдрийн 11:00 цагийн орчимд малаа хариулж яваад сураггүй болсон тухай дуудлагыг Онцгой байдлын алба энэ сарын 28-ны өдрийн 15:55 цагт хүлээн авсан.

 

Тус аймгийн Онцгой байдлын газрын Бууцагаан сум дахь Гал түймэр унтраах, аврах 72 дугаар анги, Цагдаагийн хэсгийн алба хаагчид, Засаг даргын Тамгын газрын  ажилтны хамтаар малчин Б /40 настай, эрэгтэй/-г эрэн хайх ажиллагааг гэрээс нь урд зүгт “Цагаан гол” гэдэг газар хүртэл 10 км-т, “Байдрагийн гүүр” гэдэг газар хүртэл 20 км-т явганаар болон автомашинтайгаар зохион байгуулсан боловч үр дүнд хүрээгүй байна. Иймээс мөн өдрийн 21:31 цагт түр зогсоогоод өнөөдөр дрийн 08:00 цагт эрэн хайх ажиллагааг эхлүүлжээ.